எளிமையான மேலாண்மைப் பாடங்கள் - 1
ஓர் இனிமையான காலைப்பொழுதில், சிங்கம் ஒன்று தனது குகைக்கு வெளியே இளைப்பாறிக் கொண்டிருந்தது. அப்போது அங்கு வந்த நரி ஒன்று, "எனது கைக்கடிகாரம் ரிப்பேராகி விட்டது, மணி என்ன?" என்று கேட்டது. அதற்கு சிங்கம், "நான் அதை பழுது பார்த்துத் தருகிறேன்" என்றவுடன், நரி ஆச்சரியமடைந்து, "உனது கூரிய நகங்கள் எனது கடிகாரத்தை இன்னும் சேதப்படுத்தி விடுமேயன்றி, உன்னால் அதை ரிப்பேர் செய்ய முடியும் என்ற நம்பிக்கை எனக்கில்லை! மேலும் நீ ஒரு சோம்பேறி என்பது அனைவரும் அறிந்த ஒன்றே!" என்றது.
சிங்கம் நரியை வற்புறுத்தி அந்த கடிகாரத்தை வாங்கிக் கொண்டு தனது குகைக்குள் சென்று, சிறிது நேரத்தில் ரிப்பேர் செய்யப்பட்ட கடிகாரத்துடன் வெளி வந்து நரியிடம் கொடுக்க, நரிக்கு சிங்கத்திடம் மதிப்பு ஏற்பட்டு விட்டது. சிங்கம் தனது இளைப்பாறுதலைத் தொடர்ந்தது.
சிறிது நேரத்தில், ஒரு ஓநாய் அவ்வழி வந்தது. "என் டிவி பழுதாகி விட்டது. இன்று மாலை உன் குகைக்கு வந்து நான் டிவி பார்க்க அனுமதிப்பாயா?" என்று ஓநாய் சிங்கத்திடம் கேட்டது. சிங்கம்,"உன் டிவியை நான் ரிப்பேர் செய்து தருகிறேன், எடுத்து வா" என்றவுடன், ஓநாய், "உன்னைப் போல் கூரிய நகங்கள் கொண்ட ஒரு சோம்பேறிச் சிங்கம் எனது புது மாடல் டிவியை பழுது பார்க்க முடியவே முடியாது. என்ன விளையாடுகிறாயா?" என்று கூறியது.
முன்போலவே வற்புறுத்தி, ஓநாயிடமிருந்து ரிப்பேரான டிவியை வாங்கிக் கொண்டு தனது குகைக்குள் சென்ற சிங்கம், சிறிது நேரத்தில், துல்லியமாக வேலை செய்யும் டிவியுடன் வெளி வந்து, அதை ஓநாயிடம் தந்தது. ஓநாய்க்கோ மகிழ்ச்சியோடு, பயங்கர ஆச்சரியம்!
குகைக்குள் ஒரு காட்சி:
ஒரு மூலையில் பத்து-பன்னிரெண்டு சிறிய புத்திசாலி முயல்கள் கடினமான, சிக்கலான இயந்திரப் பணியில் சுறுசுறுப்பாக ஈடுபட்டிருக்க, இன்னொரு மூலையில், திருப்தியுடனும், மகிழ்ச்சியுடனும் சிங்கமானது இளைப்பாறிக் கொண்டிருந்தது.
கதையின் நீதி:
ஒரு மேலாளர் ஏன் பிரசித்தி பெற்று விளங்குகிறார் என்பதை புரிந்து கொள்வதற்கு, அன்னாருக்குக் கீழே பணி புரியும் ஆட்களின் வேலைத் திறனை உற்று நோக்குங்கள் :)
இதிலிருந்து நமக்குக் கிட்டும் மேலாண்மைப் பாடம்:
தகுதியே இல்லாத ஒருவருக்கு எப்படி பணியேற்றம் (promotion) கிடைக்கிறது என்பதை புரிந்து கொள்வதற்கு, அன்னாருக்குக் கீழே பணி புரியும் ஆட்களின் வேலைத் திறனை உற்று நோக்குங்கள் :)
என்ன மக்களே, நல்லா இருந்துச்சா ???? :))))
என்றென்றும் அன்புடன்
பாலா
5 மறுமொழிகள்:
Test :)
மிக நல்ல முயற்சி! தொடருங்கள் பாலா!
excellent
This gives one side view of the picture.
What can be sold and what can be bought, what can be maintianed - whoever knows this are becoming entrepreneurs.
He takes care of bringing in business. Manage the risk and also the loss.
When the rabbit is ready for this he also becomes an entrepreneur one day.
To sustain a business the entreprenuer some day may need to do the labour job (bcoz one day there may not be enough or no rabbit to do it)
புரிகிறது அதோடு என் மீதே எனக்கு சந்தேகம் வருகிறது.
பலரும் என் பாஸை மோசமான முதலாளி என்கிறார்கள் ஆனால் அவர் கம்பெனியில் பெரிய இடத்தில் இருக்கிறார்.
இப்போது சொல்லுங்கள் நான் மோசமா?என் முதலாளியா?
Post a Comment